مصر هتكبر وتعدي كل الأزمات وغصب عن كل المؤامرات هتبقى عملاق اقتصادي، وكل يوم بتكتشف إمكانيات جديدة في ثرواتها وموقعها وتنوعها، والاستثمارات مفيهاش عواطف ورؤوس المال ملهاش دين ولا عقيدة ولا حسابات سياسية اهم حاجة المكسب والأمان وتنوع الفرص ومصر فيها كل حاجة تخلي المستثمر يحط كل فلوسه ويعمل إقامة دايمة كمان ودي مش شعارات ولاخطب حماسية لكن دي حقيقة مصر بقت بالنسبة لأي مستثمر فرصة مهمة وشفنا الخناقة على منطقة اقتصادية قناة السويس وعلى مشروعات التنقيب عن النفط والغاز وإقامة المشروعات في البنية التحتية ودا مش من فراغ لكن بفضل موقع مصر وتطورها الاقتصادي السريع والبنية التحتية اللي خلتها اقوى دول العالم في المواني واللوجستيات وعليهم قناة السويس.
youtube
كل اللي بنقول عليه دا خلى مليارات الدولارات تيجي مصر ولسه هتيجي بعد استقرار الأوضاع في المنطقة والنهاردة المنطقة الاقتصادية لقناة السويس، وقعت مشروع العمر مع كل من شركة China energy الصينية لإنتاج الوقود الأخضر، وشركة United Energy لإنشاء مجمع لإنتاج كلورايد البوتاسيوم في مصر، باستثمارات إجمالية بقيمة 14.75 مليار دولار، ودا على هامش المشارة المصرية في أعمال الدورة الثالثة لمنتدى “الحزام والطريق” في الصين النهاردة.
الاتفاقية الأولى مع مجموعة china energy للطاقة، وتستهدف إقامة مشروع لإنتاج 1.2 مليون طن من الأمونيا الخضراء و210 آلاف طن من الهيدروجين الأخضر سنوياً باستثمارات 6.75 مليار دولار بالمنطقة الصناعية بالسخنة على مساحة 500 ألف متر مربع
أما الاتفاقة التانية فهي مع شركة United Energy وبتستهدف الاستثمار في إنشاء وتطوير مجمع لإنتاج كلورايد البوتاسيوم وهيتم تشغيل المجمع بواسطة محطات طاقة متجددة بقدرة 150 ميجاوات لتزويد المشروع بطاقة خضراء لإنتاج 4.1 مليون طن من كلورايد البوتاسيوم، وتشغيله بواسطة محطات طاقة متجددة بقدرة 6.1 جيجا وات، ودا بحجم استثمارات متوقعة تصل إلى 8 مليارات دولار ، كما تم الاتفاق على تصدير 20% من إنتاج المشروع للسوق المحلية للوفاء باحتياجاته،